台灣某大婚照公司倒閉 香港客無從追討

最近台灣一間婚攝公司倒閉，令香港join左package嘅準新人唔知點算好。

其實關於婚禮服務嘅公司倒閉時常發生，大部分都係大公司，佢地會大量接單，同時將工作分比好幾個攝影團隊，如果客人無指定，會隨機分派提供攝影服務。

如果老闆決定結業，基本上佢唔會理有幾多客人受影響，因為佢根本未見過客人，咁又點會對客人負責任呢？

再講講這類公司會分成攝影及後製團隊，一張好的相，由攝影師從經驗，美學，了解而創作出來，但後製比左另一個人，是問又點可以完美結合呢？

當然，佢地不計成本咁送相薄，賀卡，簽名布，海報等等，但收你一萬幾千，可想而知，攝影師有幾多落袋，唔通攝影師靠熱誠可以養妻活兒，安居樂業？一個咁不良的食物鏈，真係會有認真，有Heart的作品？如果有，就是你的好運氣。

香港市場轉型為個人品牌攝影師已經好一段時間了，大部分客人都會好滿意最後成品，因為由我知你係乜水開始，了解攝影師的性格，觀賞作品，講出要求，聽取建議，從而打破陌生人的隔膜，到攝影當日先會順暢，香港人對住陌生人擺pose影相，錫錫，攬攬，其實係好尷尬，透過同攝影師見面傾談，會建立信心信任，尷尬亦會隨著減少。

返回正題，咁個人品牌都可能會結業，咁點算？

其實個人攝影師每日只可以接一個客人，萬一真係結業，亦可以完成已訂的客人工作，或者轉介到其他行家代為工作，而且萬一攝影師失蹤，追討方面亦會直接好多，因為你有他個人的資料，唔似追討大公司，老闆係乜水都唔知。

～開大公司的人只會看所有的錢

～用自己名的攝影師希望所有的都完美

分別就在此 準備結婚嘅朋友 不防參考下我個人的諗法

當然大公司都有好的 希望準新人們好好做下功課 認真比較 挑選最安心合適的攝影團體！

以上只屬個人諗法 無針對性說明